Skip to main content

எதிர் வினை - ஆவுடையாள் கேட்ட பிச்சை

தர்மு,

உங்களுடைய ‘ஆவுடையாள் கேட்ட பிச்சை’ யைப் படித்து விட்டு இதை எழுதுகிறேன்.  நான் வாசித்தது சரி என்றால், இந்திய ஞான மரபில் அமானுஷ்யம் பற்றி நடந்த உரையாடலைக் கவனப்படுத்துகிறீர்கள் என்று நினைக்கிறேன்.  ஆங்கிலத்தில் மிஸ்டிசிசம் என்று மேம்போக்காக இதைப் புரிந்து கொள்கிறார்கள்.

கலைகளின் ஆதார சுருதியே இந்த அமானுஷ்யம்.  கலையை புத்திபூர்வமாக அணுக முற்பட்ட மாடர்னிஸத்தை வீழ்த்துவதற்கு இந்த அமானுஷ்யத்தையே லத்தின் அமெரிக்க எழுத்துகள் பயன்படுத்திக் கொண்டன.  பகுத்தறிவுவாதத்திற்கும் கலைக்கும் என்றைக்குமே ஒத்து வந்திருக்கவில்லை என்பதை பெளத்தம் முதல் திராவிட இயக்கம் வரைக்கும் நம்மால் பார்க்க முடியும்.  கலை மனம் பகுத்தறியும் மனதை குறைத்தே மதிப்பிட்டிருக்கிறது.  உலகை தட்டையாகப் புரிந்து கொள்வதாகக் கலை, அறிவியலை கண்டித்தே வந்திருக்கிறது.

இதையெல்லாம் நீங்களே அறிவீர்கள்.  ஆனால், உங்களது ஆவுடையாள் கேட்ட பிச்சை, ஒரே நேரத்தில் அமானுஷ்யத்தையும் பகுத்தறிவையும் சமமாகப் பாவித்துப் பேசுவதாக நினைக்கிறேன்.  அமானுஷ்யத்தை நீங்கள் மறுத்தத்து போல் தெரியவில்லை.  ஆனால், ஏற்கனவே சொல்லியிருப்பது அமானுஷ்யம் இல்லை என்கிறீர்கள்.  அப்படியானால், அமானுஷ்யத்தில் விதங்கள் உண்டா என்ற கேள்வி எழும்புகிறது.  இதில் கலையின், அறிவின் பங்களிப்பு என்ன என்பதும் எனக்கு விளங்கவில்லை.  இது எனது முதல் சந்தேகம்.

எனது இரண்டாவது சந்தேகம், நீங்கள் எழுதியிருக்கும் வரலாற்று சம்பவம் குறித்தது.  கர்னல் ஆல்காட்டின் முயற்சியாலேயே அயோத்திதாசர் இலங்கைக்கு சென்று பெளத்தராக மதம் மாறினார் என்பது தெரியும்.  உங்களது ‘நான் பூர்வ பெளத்தன்' நூலில் அதைப் பதிவு செய்திருக்கிறீர்கள்.  ஆனால், ஆல்காட் பெளத்த மதமாற்ற நிகழ்ச்சியை இயக்கமாக மாற்ற விரும்பினார் என்பது போல ஒரு தகவலைச் சொல்கிறீர்கள்.  அதற்கு அயோத்திதாசர் சம்மதம் தெரிவிக்கவில்லை என்றும் அந்தக் கட்டுரையில் தொனிக்கிறது.  நானறிந்த வரையில் பெளத்த மத மாற்றம், அம்பேத்கராலேயே மாபெரும் இயக்கமாக செய்யப்பட்டது.  அயோத்திதாசருக்கு அப்படியொரு திட்டம் இருந்ததா?  இருந்தது என்றால் அது வரலாற்றில் என்னவானது?  அயோத்திதாசரின் பெளத்தம் சமூக இயக்கமாக மாறுவதை விடவும் அறிவுஜீவிகளின் மதமாகத் தான் இருந்தது என்று வேறு சில கட்டுரைகளில் படித்திருக்கிறேன்.  இதை நீங்கள் விளக்க வேண்டும் என்று கேட்டுக் கொள்கிறேன்.

எஸ். சின்னப்பன்

Comments

Popular posts from this blog

இளையராஜாவை வரைதல் - 1

ஒன்று
‘ராஜாவின் காதல் கீதங்கள்’ - ‘ராஜாவின் அம்மா பாடல்கள்’ என்ற இரண்டு பாடல் தொகுப்புகள் இல்லாத ராஜா ரசிகன் இந்தப் பிரபஞ்சத்திலேயே இல்லை. 
‘அட, ஆமா’ என்பவர்களுக்கு ஒரு அறிவிப்பு - இந்தக் கட்டுரை உங்களைப் பற்றியது தான்.
‘இல்லயில்ல’ என்று சொல்பவர்கள் தொடர்ந்து கட்டுரையைப் படியுங்கள், இது உங்களுக்காகத் தான் எழுதப்படுகிறது.
‘ஆமா, இல்ல!’ என்பவர்களுக்கு ஒரு கெட்ட செய்தி -  இந்தக் கட்டுரையை நாம் தான் எழுதிக் கொண்டிருக்கிறோம்.
*
‘ராஜா பாடல்கள்’ என்பது ஒரு வெகுஜன கலை வடிவம். இதை உருவாக்கியது இளையராஜா இல்லை, அவரது ரசிகர்கள்! எனவே காப்புரிமை பிரச்சினைக்கெல்லாம் அப்பாற்பட்டது அது.
வெவ்வேறு திரைப்படங்களில், வெவ்வேறு காரணங்களுக்காக இளையராஜாவால் உருவாக்கப்பட்ட பாடல்களைத் தேர்ந்தெடுத்து,  அவரது ரசிகர்கள் ஏறக்குறைய ஒரு புதிய வகைக் கலைப்படைப்பை உருவாக்கி வைத்திருக்கிறார்கள்.  அதற்குத் தான் ‘ராஜா பாடல்கள்’ என்று பெயர்.   
இந்தத் தொகுப்புகளை உருவாக்குவதற்கோ அல்லது கேட்பதற்கோ, அவை எந்தத் திரைப்படங்களில், எந்த நடிகர்களுக்காக, எந்தப் பாடகர்களால் பாடப்பட்டன என்ற விபரமெல்லாம் உங்களுக்குத் தேவைப்படுவதில்லை.   கொஞ்சம்…

கபாலி, காலா, அசுரன் ... எங்கே தோற்கிறார்கள்? - Uncut

வெற்றிமாறன்இயக்கி, தனுஷ்நடித்துசமீபத்தில்வெளியாகியுள்ள ‘அசுரன்’ திரைப்படம்சிலபுதியவிவாதங்களைஏற்படுத்தியிருக்கிறது.  
அசுரன்ஒருநவயுகப்படம்.  அண்மைக்காலமாக, சாதியால்ஒடுக்கப்பட்டவர்களைக்கதாநாயகர்களாகக்கொண்டுதிரைப்படங்கள்வரத்தொடங்கியிருக்கின்றன.  இதுவொருபாராட்டத்தக்கமுயற்சி.  பா.ரஞ்சித்தின்திரைப்படங்கள்இதற்கானத்தொடக்கப்புள்ளிஎன்றுசொல்லமுடியும்.  
திரைப்படவரலாற்றறிஞர்கள்இதைமறுக்கக்கூடும்.  ரொம்பகாலத்திற்குமுன்னாடியேஇது

இளையராஜாவை வரைதல்

முன்னறிவிப்பு:
இந்தக் குறுநூல் தானாகவே தோன்றியது.  சுயம்பு.  முதலில் ஒரு கட்டுரை போல எழுத ஆரம்பித்தேன். அதிலும் அந்தக் கட்டுரை ஒரு விளக்கக் கட்டுரையாகவே தொடங்கப்பட்டது.
அயோத்திதாசர் குறித்து நான் எழுதி விரைவில் வெளிவரவிருக்கும் புத்தகத்தில் சமர்ப்பணம் என்ற பக்கத்தில் இப்படி எழுதியிருக்கிறேன்:
‘நந்தனைக் கடந்த அயோத்திதாசரையும் அந்த அயோத்திதாசரைக்  கடந்த பெரியாரையும் ஒரு சேரக் கடந்த இசைஞானி இளையாராஜாவிற்கு’
இந்த வரியை விளக்குவதற்காகவே இதனை முதலில் கட்டுரையாக எழுத ஆரம்பித்தேன்.  இந்தக் கட்டுரையே வளர்ந்து வளர்ந்து இன்று இப்படி நிற்கிறது.
இதன் ஒரு பகுதி சமூக ஊடகங்களில் வெளி வந்தது. மீதத்தையும் சேர்த்து குறு நூலாக வெளியிடுகிறேன்.  வழக்கமான இளையராஜா ஆய்வுகளைப் போல இதில் பாடல்களைக் குறிப்பிட்டு நான் எதையும் விளக்கவில்லை.  இது வேறொரு வித்தியாசமான அனுபவமாக இருக்கும்.
1
‘ராஜாவின் காதல் கீதங்கள்’ - ‘ராஜாவின் அம்மா பாடல்கள்’ என்ற இரண்டு பாடல் தொகுப்புகள் இல்லாத ராஜா ரசிகன் இந்தப் பிரபஞ்சத்திலேயே இல்லை.  ‘அட, ஆமா’ என்பவர்களுக்கு ஒரு அறிவிப்பு - இந்தக் கட்டுரை உங்களைப் பற்றியது தான். ‘இல்லயில்ல’ என்று சொல்பவர…