யானை காடாகிறது!

நான் ஏன் தலித்தும் அல்ல நூல் மதிப்புரைக்கான டீஸர்!!!!

பவணந்தி, என்னோடு ஜேயென்யு வில் படித்தவர். 'நான் ஏன் தலித்தும் அல்ல' நூல் அறிமுகக் கூட்டத்தில் கலந்து கொண்டு பேசினார். நூலிற்கான மதிப்புரையை எழுதி முடித்து விட்டார் என்பதைக் கேட்க மகிழ்ச்சியாகவும், பரபரப்பாகவும் இருக்கிறது.

தமிழில் நான் பொருட்படுத்தக் கூடிய ஒரு சில நபர்களில் பவணந்தி முக்கியமானவர். அவரது மதிப்புரைக்கான டீசர் இது!

மதிப்புரையை வாசிக்கக் காத்திருக்கிறேன்.

பவணந்தி

ஒருவழியாக நண்பர் தருமராஜின் நான் ஏன் தலித்துமல்ல நூலுக்கான எனது மதிப்புரையை எழுதி முடித்துவிட்டேன்.

நீண்ட நாட்களாக முழுமையுறாமலே இருந்து வந்த ஒன்று; மிகச் சுருக்கமாக இங்கே: 

உங்களுக்கு எப்படியோ? தெரியாது! 

ஆனால் எனக்கு இது யானையைப் பற்றிய ஒரு நூல்; இன்னும் சொல்லப் போனால் இது ஒரு யானையைப் பற்றிய நூல்; சில நேரங்களில் இது யானைகளைப் பற்றிய நூலாகவும் இருக்கக் கூடுமென்ற மயக்கம் ஏற்படுகிறது. 

அநேகமாக வாசிப்பின் மயக்கமாக இருக்கலாம். ஒன்று மட்டும் நிச்சயம்; எங்கு பார்த்தாலும் சிங்கத்தைப் பற்றியே பேச்சாய் கிடக்கும் மதுரையில் யானையைப் பற்றி பேசுவதென்பது பெரிய மாற்றம் தான்; 

காட்டுக்கு யானை ராஜாவாவது பற்றியதல்ல இந்நூல்; மாறாக யானை காடாகவே மாறிப்போவது. அதனால் தானோ என்னவோ நூலின் முகப்பிலேயே யானை காணாமல் போய்க்கொண்டிருப்பதாக சொல்லியாகிவிட்டது. 

இப்படி யானை காணாமல் போவது சிங்கத்திற்குக் கொண்டாட்டம் எனவும் சிலரால் எச்சரிக்கப்பட்டாகியும் விட்டது; 

இருந்தும் ஒன்றை மட்டும் இங்கு எதேட்ச்சையாய்ச் சொல்லிவிடத் தோன்றுகிறது; 

கண்டிப்பாகச் சிங்கத்திற்குத் தெரிந்தேதானிருக்கும் – 

யானை காடாகும் போது அக்காட்டின் அங்கமாயிருக்கும் தான் என்னவாவோம் என்று!!!